IRAKASGAIAREKIN ETA UNITATE DIDAKTIKOAREKIN AMAITZEN!!

Hamabost astean kokatzen gara, kurtsoa amaitzear dago, ia konturatu gabe pasa egin da dena. Orain oso gutxi geratzen da oporretan pentsatzen asteko eta lagunekin udaz gozatzeko.

Aste honetan, aurreko astea amaitu genuen gai berberarekin gaude, hau da, plangintza didaktikoko aurkezpenekin. Ezberdintasun bakarra da, gaurko honetan klase handian aurkezten dela eta apur bat gehiago kostatzen zaigula hainbeste jenderen aurrean espresatzea, urduriegi jartzen garelako. 

Aste honetako lehenengo aurkezpena nire taldea egin du, guk aukeratutako gaia landareak izan dira. Plangintza Didaktiko hau Deustuko Ikastolan burutuko da, 5 urteko gelan hain zuzen ere. Proiektu honen iraupena hiru astekoa izatea erabaki dugu; gaia barneratzeko denbora nahikoa delako eta gehiago luzatzea haientzat aspergarri edo errepikakorra suerta daitekeela uste dugulako.

Hiri handi bateko ikastola denez, sumatu dugun lehentasun nagusiena, haurrek naturarekin duten kontaktu esakasa dela; beraz, landareak eta natura ezagutzea aberasgarria izango da haientzat. Gainera, gizartean naturari ez zaio hainbeste garrantzia ematen eta hori bultzatzeko asmoarekin egin dugu. Gai hau aukeratu dugun beste arrazoia da hainbat jarduera egin daitezkela haurrekin; adibidez, hosto eta lore ezberdinak bereizten ikasteko, lore pozoitsuak ezagutzeko, lore eta erleen arteko harremana eta hauen funtzioa ezagutzeko... eta, batez ere, esperimentazioa garatu eta lantzeko aukera bikaina dela uste dugulako. Azkenik, jarduera hauek guztiak kanpoan egiteko aukera paregabea dela dakigunez, gai hau aukeratzeko pisuzko arrazoietako bat izan da. Jarduera bakoitza hezkidetza sustatzea du helburu, hau da, ekintza guztiak denen artean egitea aukera berdina izanez. Modu honetan, haurrek esperimentazio eta azalpenen bidez beraien eguneroko bizitzan aplikagarriak diren ezagutzak barneratzeko aukera izango dute.

Pentsatu genituen jarduera guztietatik, klasean bakarra aurkeztea erabaki dugu, hori hain zuzen ere, esperimentazioarena izan da (ereintzea). Horretarako, bideo bat jarri dugu, oinarrizko eta hasierako ezagutza batzuk barneratzeko eta haziak a zer nolako baldintzak behar dituzten hazteko, hau da, (ura, eguzkia, beroa, iluntasuna...) bideoa jarri ondoren, 5 boluntario eskatu genituen, haziak ereintzeko.
 Jarri genuen bideoa hurrengoa izan zen.

Bigarren aurkezpena planetei buruzkoa izan zen, eta Anie, Maddi Ruiz, Iñake eta Julene aurkeztu zuten. Hasteko, bere gaian sartzen joateko eta adi egoteko, youtubetik bideo bat jarri zuten, planetei buruzkoa. Ene Kantak sortutako abesti bat izan zen, talde honek abestiak sortzea erabaki du, koreografia errezekin, txikientak dantzatu ahal izateko eta euskara sustatzeko. Gainera, lortutako etekinaren zati bat, euskera sustatzeko lan egiten dutenei laguntzen die. Adibidez, Euskalherria irratia, Mailope edota Nafarroako bertsozale elkartea. Ondoren, Planeta guztien ezaugarri batzuk aurkeztu zituzten eta horrekin bukatzerakoan taldeetan bakoitzari tokatu zitzaigun planeta marrazteko gai izan behar ginen. Nire taldeari neptuno planeta marraztea tokatu zitzaigun, eta egia esanda nahiko ondo marraztu genuen. Haien unitate didaktikoa amaitutzat emateko, Takolo, Pirritx eta Porrotxen abesti bat jarri zuten, "Saturnino" abestia hain zuzen ere, hemen azpian uzten dizuena.

                         

Hirugarren aurkezpena, Nasa taldea egindakoa izan zen, eta haurrak kontinente bakoitzeko animaliak ezagutzea zen haien helburu nagusia. Klasean kontinente bat aurkezteagatik, Ozeania aukeratu zuten, eta hango animalia bezala bi aurkeztu zituzten, koala eta kanguroa eta haiei buruzko ezaugarriak eman zituzten. Jarduera burutzeko ordea, patiora jaitsi behar izan ginen eta han jolas batera jolastu genuen. Talde honek,  Stop jolas ohikoan oinarrituta, antzeko jolas bat sortzea bururatu zitzaien. Jolas honetan, kanguroak bagina bezala salto egin behar genuen, harrapatzen zuena ordea, korrika zihoan eta kanguroei harrapatzea zeukan helburu, baina hori bai, kanguroa stop esanez gero, ezin izango zuen harrapatzeko aukera izango. Hurrengo aurkezpena, kultura arteko gatazkekin amaitzeko helburuarekin egin zuten, gehienetan, beste kulturetakoak dira baztertuak geratzen direnak, eta aurreko taldekideen gaia bera aukeratu zuten, (animaliak) umeentzat erakargarriak direlako.  

Proposatu zuten jarduera, patioan jolas bat egitea izan zen. Klase osoa begiak itxita geneukalarik, animalia bat izendatu ziguten eta gero animalia horren soinua eginez, guk bezalako animaliekin elkartzeko. Horren ostean, taldekide guztiak taldeetan banatuta zeuden, bi izan ezik, txerria eta txoria. Jolasarekin amaitzeko, baztertuta zeuden animaliei, guztien artean besarkatu behar izan genituen, eta erakutsi behar genien haiei ere maitatzen genituela.

Azkenengo egunera arte egon ginen aurkezpenak egiten, egun horretan 3 aurkezpen egin ziren.

Lehenengo aurkezpena, Gasteizeko eraztun berdeari buruzkoa izan zen eta Xabi, Lur, Itxaso eta Sara izan ziren plangintza didaktiko honen partaideak. Haien proposamena Salburua ikastolan txango bat egitea zen, eta han haurrekin animalia desberdinak behatzeko aukera izango zuten. Baita animalia horien soinuak bereizi behar zituzten. Aukeratu zituzten jarduera guztietatik, bi aurkeztera hausartu ziren. Lehenengoa, hamabi ezberdintasunak aurkitzearen jolasa, horretarako bolondres bat eskatu zuten eta ni inolako zalantzarik gabe laguntzeko prest atera nintzen, eta gero zikoin bat marrazteko era interesgarri bat erakutsi zuten.

Bigarren aurkezpena, Urtaroei buruzkoa izan zen, Tania, Nagore, Naiara, Aitziber eta Sara egindakoa. Eskoriatzan egiteko proposatu zuten, Luis Ezeiza Ikastolan hain zuzen ere, eta bost urteko umeentzako bideratuta zegoen. Haiek egindako bideo bat aurkeztu zuten, non eguraldi aldaketaz hitz egiten zuen eta hori animalia desberdinentzako suposatzen zuena, animalia gehienentan migrazioa sortarazten zuen. Gero, egindako txangoan oinarrituta hainbat jarduera egiteko posibleak zirela esan zuten, eta aurkeztu zituzten jarduera guztietatik, nik batzuk aipatuko dizkizuet, hala nola: Insektuak eta anfibioak ezagutzea, mikrobioak ikustea, ekosistema hori ikustea, edota animalien patak edota zangoak bereizten ikasteko aukera izatea. Azkenik, ebaluazio moduan, post-it bat eman ziguten ikasle bakoitzari eta aurpegi pozik bat edo triste jarri behar genuen, haien jarduera gustatu bazitzaigun adierazteko.

Azkenik, plangintza didaktikoen aurkezpenekin bukatzeko Maddi Pelaez, Irene, Nagore eta Maira egindakoa kontatuko dizuet. Hauek pelikula desberdinetako abestiak aukeratu zituzten gaia bezala, eta haien helburua abesti desberdinak identifikatzea zen. Ondoren, bigarren jarduera moduan, taldeka boluntario bezala atera behar ginen eta mimika eginez film bat aurkeztu behar izan genuen, eta atera ziren film batzuk hauek izan ziren: Autobus magikoa, Hiru txerritxoak, Doraemon eta Kalabaza tripontzia. Izan ere, azkenengo hau, 1984an sortutako filma izan da, Berasategiko lehenengo metraje luzeko filma izan zen. Gainera, Euskal Herriko historiako lehenengo filmatzat hartu da.

Azkenik, lauhileko guzti honetako Didaktikako irakasgaiari erreferentzia eginez, asko ikasi dudala esan dezakedala uste dut. Aipatu beharra baitut, nire lehenengo aldia izan dela didaktikarekin harremanetan jarri eta sakonki landu dudala. Gainera, nire etorkizuneko lanbiderako oso beharrezkoa dela ohartu naizenez, garrantzi handia eman diot ikasgai honi.

Aurretik esan dudanez, lau hilabete hauek baino lehen ez nekien ezer didaktikari buruz, eta unitate didaktikoa lantzen hasi ginenean apur bat galduta nenbilen; lehenengo kontaktu bezala, artikulu batzuk irakurtzuk irakurri genituen eta esan dezaket unitate didaktikoaren kontzeptua oso argi geratu ez zitzaidala. Horren ostean, Maitanek apurka apurka unitate didaktikoa sortzeko behar ziren atal guztiak azaltzen hasi zen. Izan ere, bere azalpenak nahiko ondo ulertzen nituen, baina gero, gure unitate didaktikoaren gaia hartzerakoan eta teoria guzti hori praktikara eramaterako orduan zailtasun asko aurktezten zitzaizkidan. Beraz, nahiko agobiatuta nengoenez, tutoretza batera joatera erabaki nuen eta han ideia gehienak argitu nituen (helburu orokorren eta espezifikoen diferentzia, nola adierazi behar ziren; edukietan, prozedurazko, kontzeptuzko eta jarrerazkoen arteko desberdintasunak...). 

Nire ustez, plangintza didaktiko bat sortzea, nahiz eta lan handia eskaini duen, baliagarria izan dela esan dezaket eta baita izan ditudan akatsetatik asko ikasi dudala. Gainera, irakasgaia modu egoki batean bideratuta egon dela uste dut, klase asko era autonomo batean lan egiteko aukera izan dugulako edota talde lanean (berdinen artean) plangintza didaktikoa aurrera eramateko. Hau etorkizunari begira, egoki iruditu zait, gure burua gela baten barruan ume kopuru handiarekin ikusiko dugulako eta hortik gu bakarrik ateratzen behar izango dugulako (kasu honetan, taldea bakarrik irtenbideak bilatu behar izan ditu). Bestetik, irakasgai hau, momentu batez irakasleak izateko aukera utzi digu, eta klase osoaren aurrean gure unitate didaktikoaren atal bat aurkezteko, azaltzeko eta jarduera bat burutzeko denbora izan dugu. Aurkezpenei esker, pixkanaka pixkanaka jendearen aurrean hitz egiteko neukan "beldur" hori kentzen lagundu dit eta baita modu lasaiago batean aurkeztea lortu dut.

Orain bai, aurtengo ikasturtearekin amaitzeko eta bloga ahalik eta modu onenean ixteko, beharrezkoa iruditzen zait lauhilabete honetan asko ikasi dudala azpimarratzea, eta Didaktikak nire etorkizuneko irakasle lanbidean izango duen garrantziaz ohartzea. Honekin batera, nire irakaskuntza- ikaskuntza prozesuan parte hartu dutenei eta behar izan dudanean lagundu didatenei eskerrak ematea nahi izango nuke. Beraz, mila esker batez ere kurtso honetan zehar nirekin lan egin duten kide guztiei; bai guztien artean izan ditugun harremanengatik, bai, bizi izan ditugun esperientziengatik, eta mila esker Maitaneri, aurrera eraman duen metodologiagatik, lehenengo egunetik nahiko dinamikoa izan delako, azalpen argiak eman dituelako eta talde lana sustatzen lagundu duelako.

PLAZER BAT IZAN DA HAMABOST ASTEZ HEMEN IDAZTEA, HURRENGORA ARTE :)

14. ASTEA

Aste honi hasiera emateko, klasekide batzuek (Amaia, Ane, Itxaso eta Garazi) aurkezpen bat egin zuten.

Hemen utziko dizuet zertaz hitz egin zuten, batez ere, haurrekin izandako esperientziei buruz izan zen eta ikasitakoa aurkeztu zuten.

EGOKITZAPENA

-familia eta gurasoekiko atxikimendua: hasieran aurreskoletara aita eta amarekin joaten dira seguru sentitu arte. Hala ere, ondo egokitzen ez bada, familiarengan, haurrarengan eta eskolan eragiten du.

-Familia eta irakasleen artean enpatia dagoela erakutsi behar da.

- Errutinaren bitartez, segurtasuna lortu.

HARRERA ETA IRTERA

-Haien arteko elkarezagutza

haurra protagonista izan behar du

- Sentimenduak eta emozioak azalaratzeko momentua da, eta batzuentzat zaila izaten da batzuetan.

- KONPLIZITATEA egon behar du irakasleen eta familien artean.

-Irteeretan irakasleen eta familien arteko elkarrizketa: zelan jan, zelan egin duen lo, zelan portatu...

JOLASA

-Espazioa kontuan hartu behar da,

antolakuntza desberdinak egin behar dira, adibidez txokoetan.

-Gehienetan, materiala eta balliabideak hautatzerako orduan ikaslea menpe dago, irakaslea guztia aukeratzen duelako.

HAMARRETAKO

-esperientzi ezberdinak: Askotan abesti batekin asoziatzen dute hamarretakoa

-Guztiak antzekoa jatea saiatzen da: adibidez, Bol bat pasatu fruta desberdinekin haiek sardexka batekin hartzeko. Horrela autonomia landuko da eta baita esku koordinazioa ere.

- Batzuetan makinista besteei janaria batu.

Janaria:gaileta + fruta

- Errutina lortu nahia.

ZAINTZA: Pikler

- Harreman, arreta, errespetua.
- Plazerrean oinarritu.
- Haurra pertsona aktiboa.
- Hezitzailea haurrari etengabe zer egingo duen azaltzen dio.

Pardela nola aldatzen den azaldu zuten, baita biberoia nola prestatzen den.
- Biberoia etengabe garbitu eta desinfektatu egin behar da.
- BIDEROIA PRESTATZEKO:
1. Ura bota
2. ura berotu
3. polboak bota.
4. astindu
5. eskuan probatu ea bero dagoen.
Haurrari utzi biberoia:autonomia sustatzeko edota fruta eskuan eman bera bakarrik jateko.

SIESTA

Bazkaldu eta gero jolas librea eta gero siesta
- Txupetea jarri +musika erlaxatzeko eta batzuk pelutxea behar dute
-momentu gogorrena da: urduri jarri, beldurra, negar egin, atxikimendu irudia hurbil izan behar dute, hau da, txupetea eta pelutxea.

Azkenik, ondorio bezala aipatzekoa da, eskola guztiak antzekoak direla; baina, hala ere, eskola desberdinak izanda, errutina desberdinak izango dituzte.

Aste honetan ere, ostiralean zehazki, hau da, talde txikian, plangintza didaktikoko aurkezpenak egiten hasi ginen.

Lehenego taldea, Uxue, Irati, Cristina eta Martín osatzen zuten. Haien aurkezpena animalien eta baita naturaren soinu batzuk bereiztean oinarritu zen. Gero, norbera bere lana ebaluatzeko, autoebaluazioari garrantzia eman zioten, batez ere, haurraren autonomia bultzatzeko helburuarekin, eta baita ere ebaluazioari dagokionez taula bat egin zuten, ume guztiak behatu ahal izateko.

Bigarren taldea, Zuriñe, Maider, Maialen, Janire eta Ainitze, paisaiei buruzko unitate didaktikoa egin zuten, eta paisaia desberdin guztiak ezagutzea eta bereiztea zen helburu nagusia. Proiektu hau, bi urteko haurrentzako zuzenduta zegoen eta paisaiak ezagutzeko formarik eraginkorrena ipuin bat kontatzea zela erabaki zuten.

Hirugarren taldea, eta aste honetan aurkezpena egin zuten azkenak, Jon, Emma, Elena eta Jone izan ziren. Haien proiektua zuhaitz mota desberdinak ezagutzea zen. Horretarako, klase guztia patiora abiatzeko esan ziguten, eta bikoteka jarriz, bi hosto desberdin pilatu behar izan genuen. Ondoren, Hartutako hostoak folio batean kalkatu behar izan genuen; azkenik, guztiok elkarrekin mural bat osatzeko.

13. ASTEA

Aste honetan plangintza didaktikoaren azkenengo atalarekin amaitu dugu, atal hori ebaluazioa da. Hau irakasleak kurtso amaieran egiten dutena, ikasleei buruz egiten den zerbait edota azterketa edo kalifikazio bat  baino zerbait gehiago da; honekin batera faktore asko inplikatuta daude. Guztien artean hauek izango ziren batzuk: autokontzeptua eta autoestimua, frustrazioa, metakognizioa, autonomia, justizia, aukera berdintasuna...

Ebaluazioari aurre egiteko, ebaluatu nahi dugunari buruzko informazioa jaso, patroi edo irizpide batzuekin konparatu behar dugu,  analisia egin, kalifikatu eta baita aldaketa prestatu. Ebaluazioarekin hasi baino lehen, kalifikazio eta ebaluazioaren arteko desberdintasunak ezagutzea beharrezkoa da,  kalifikazioari dagokionez, bere helburu nagusia lan bati edota azterketa bati balio bat ematea da, gehienetan modu numeriko batean azaltzen da, ebaluazioa ordea, oo paper zabala jorratzen du, bere helburu nagusia hezkuntza prozesuan parte hartzen duten elementuak hobetzea da.

Klasean egindako aurkezpenetzan esan duten bezala,ebaluazio mota desberdinak daude. Alde batetik sumatiboak, tutoreak azterketa partzialak eta bukaerakoak egiten dituenean, ikasleen etekinak kalifikatzeko, eta bestetik, Formatiboa, Tutoreak, behaketatik edo jarritako azterketatik ateratako datuak analizatu, ikasleen eta irakasgaiaren garapena hobetzeko. Ebaluazioari dagokionez, gehienbat uste da, kurtxoaren amaieran ematen dela, baina, hala ere, hori ez da guztiz egia, kurtxo amaieran ez ezik, hasieran eta erdian ebaluatzea  ere bere garrantzia du. Hasierakoa, unitate didaktiko baten hasieran ematen da, eta hemen tutoreak, ikasleekin elkarrizketak izaten dituzte, aurre ezagutzak, prozedurak eta balioak ezagutzeko. Erdikoa, ikasturte osoan zehar ematen dena da, tutoreak, behaketa  baten bidez, ikasleei laguntzeko eta bere lana hobeto antolatzeko balio du, eta azkenik, garranti gehien ematen zaionari, amaierakoa, honetan,  ziklo baten bukaeran, tutoreak, ikasle bakoitzak egin dituen aurrerapenei buruzko balorazioa egiten du, baita ere ia hobekuntzak egin behar diren ala ez hemen aztertzen da. Barruko edo Kanpoko ebaluazioa ere badago, Barrukoa, Zuzendaritza-taldeak, irakasleekin batera, ikastetxearen kalitate pedagogikoa ebaluatzea du helburu, kanpokoa ordea, hezkuntza Sailak aukeratutako adituen batzordeak ikastetxe berberaren kalitate pedagogikoa ebaluatuko dute.

Ebaluazio mota desberdinekin amaitzeko, talde batek egindako aurkezpenari erreferentzia egingo diot, hain zuzen here, NASA taldekoari. Ebaluazioaz hitz egiteko, klasekide guztiei folio batean etxe bat zuhaitz bat eta mendi bat marrazteko eskatu digute. Ondoren, lau bolondres eskatu dute, arbelera ateratzeko. Pertsona bakoitza bere marrazkia aurkeztu behar izan du eta baita ere marrazki horri buruzko azalpena eman behar izan dute. Beraz, hori egiterako orduan autoebaluazioa egiten ari dira, hau da, bakoitzak, berak egindakoaren arabera hitz egiten du eta bere lana ebaluatzen du. Ondoren, bakoitza bere b¡marrazkiari buruzko ebaluazioa egin ondoen, beste kideen artean aldatu dute marrazkia, eta kideek marrazki hori ebaluatu behar dizan dute, marrazkiaren alde onak eta alde tzarrak aztertuz. Honekin batera, Koebaluazioa lantzen da, hau da, berdinen arteko ebaluazioa (marrazkia aldatzea eta beste ikasle batzuk ebaluatzea). Azkenik, irakasleari eman dizkiote marrazki guztiak, berak azkenengo em¡baluazioa egiteko. Irakasleeak ikasleei egindako ebaluazioa Heteroebaluazioa da.

Azkenik, ebaluazio sistema bat prestatuta izan behar da. jakin behar da zer ebaluatu, noiz ebaluatu, lehen esan dugunez hainbat aukera dago, kurtso hasieran, erdian edota amaieran. Ebaluatzeko erabiltzen diren  tresna ohikoen artean, behaketa, elkarrizketa eta test-a edo azterketak ditugu. Nork ebaluatuko duen jakitea ezinbestekoa da, eta horretarako hiru aukera mota daude, autoebaluazioa, heteroebaluazioa eta koebaluazioa eta azkenik, gauzarik garrantzitsuenetarioen artean, jasotako   informazioa zertarako erabili  eta baita ere egingo den ebaluazioa.  Hainbat arrazoien artean hauek ditugu:

• Haurrei ikaskuntza eta garapen prozesuan laguntzeko.
• Haurrak promozionatzeko ziklo batetik edo etapa batetik bestera, umeak sailkatzeko
• Gurasoekin batera egingo dugun lana hobeto bideratzeko.
• Gure lana eta gaitasunak hobetzeko.
• Ikastetxea hobetzeko.

Barandiaranen elkarrizketa ere dugu, ebaluazioaren inguruan hitz egiten duelako eta umeen tako egokiena denari buruz hitz egiten duelako. Askotan, umearen garapena helduen esku dago eta hori aldatu ahal izateko oinarritik hasi behar gara, eta horretarako zoriontasunean zentratu behar gara. Bestetik, gaur egungo gizartean, balio dutenen (unibertzitatera joaten direnek) eta balio ez dutenen (goi mailako gradua egiten dutenek) arteko desberdintasun handiak sortzen dituzte, eta ez zen horreal izan behar, gizarte honetan parte hartzen dugun guztiok garrantzia daukagu eta guztiok gauzak batzuetarako edo beste batzuetarako balio dugu, beraz, nahiz eta karrera bat ikasi edo ez guztiok errespetatu behar ditugu eta gainera bakoitza gaitasun batzuk izango ditu. 

Amaitzeko, honekin esan nahi dena da, lehiaketa bat bezala hartu behar ez dela, eta ezinezkoa dela gizarteko atal bati baztertzea ezin dutelako ikasketa batzuk burutzeko gai.

12. ASTEA

Arratsalde on, pizkanaka pixkanaka asteak aurrera joan dira eta ia ia kurtxo amaieran kokatzen gara; beraz, portafolioari agur esateko momenturako gutxi geratzen da.

Aste honetan zehar, metodologiari buruz hitz egiten aritu gara. metodologia, nola irakatsi galderari buruzko hausnarketa  da, hau da,  ikastetxe, ziklo, maila, ikasgai, arlo, etab. batean zer printzipio, metodo, estrategia, teknika, jarduera, gelaren antolakuntza, etab. erabili behar ditugun argitzen duen hausnarketa da.

Printzipio nagusiei dagokienez, batzuk aurki ditzakegu, afektibotasun-printzipioa, bakoizte-printzipioa, Sozializazio-printzipioa, Irakaskuntza kolektiboa, globalizazio-printzipioa, aktibotasun-printzipioa, sormen-printzipioa eta transferentzia printzipioa.

Afektibotasun-printzipioa, afektibitateak eragina dauka umearen garapen kognitibo, afektibo-sozial eta fisikoan. Afektibitatearen beharra, elikatzea edo babesa bezain oinarrizkoa da.

 Hezitzailearen ardura, giro atsegin eta goxoa sortzea, umeak, diren moduan onartu, tratatu eta erlazio pertsonala eta berezia sortzea  (arreta eman, gogoz entzun, errespetatu, bakoitzaren beharrizanak asebete, erabakitzeko aukera eman, etab.), umeen gaitasunetan konfiantza izatea. Lorpenak ospatu eta oztopoak gainditzeko baliabideak eskaini, baita tonu atseginez hitz egitea (hitzez zein gorputzez).

Bakoizte-printzipioa, Irakaskuntza subjektu bakoitzaren premia eta ezaugarriei egokitzeko beharrean du oinarria, baita talde homogeneoak (antzeko ezaugarriak dituzten umeak) eta heterogeneoak (ezaugarri desberdinak dituztenak). Azken hauen erabilpena gomendatzen da, ez dira sexu bereizketak egin behar bestela txikitatik ulertuko dutelako egokia separatuta egotea dela.

 Talde heterogeneoak eratzean, espazioa, denbora eta baliabideak malgutu eta dibertsifikatu beharko dira: 

 Gela txokotan eta tailerretan banatu.

Bakoitzak bere kabuz lan egiteko edo jolasteko denbora eman.

Erabilpen anitzeko baliabideak eta baliabide anitzak eskaini 

Montessori, Laborategiko Dalton plana, fitxa sistema, irakaskuntza pertsonalizatua, lan autonomoa, irakaskuntza programatua, menperatzeikastea, kontratuak, tutoretzak, egokitzapen indibidualak...

Sozializazio printzipioa, Gizartearen kide egiten gaituen prozesua da sozializazioa da.

 Norbanakoak bere inguruko taldeetara moldatzen ikasten du, arau, irudi eta balioak bereganatuz. Prozesu honek bizitza guztia irauten du eta honetarako behar diren ezinbesteko eragileak dira familia, lagun taldea, komunikabideak, teknologia eta eskola dira.

 Eskolak, sozializazio prozesu hau erraztu dezake. Ikaslearen inguruko gizarte taldean integrazioa eta sozializazioa bilatzen dira. Eskoletan sozializatzeko jarduer desberdinak egiten dira,  taldekatzea (bikotea, talde txikia, lan-taldeak, gelako taldeak, talde handiak, etab.) edota asanbladak egitea

Gelak eta eskolak ongi funtzionatzeko ardurak ikasleen gain jarriz, eskolak komunitatean parte hartuz, Freinet teknikak, Cousinet metodoa, irakaskuntza kooperatiboa, ikas- komunitateak, berdinen arteko tutoretzak, talde-teknikak, gizarte trebetasunak, autogestioa, elkarlaneko irakaskuntza.

 Irakaskuntza kolektiboak, ikasgai magistral, irakaskuntza zuzena eta galderen erabilpena barne hartzen ditu • Ikasgai magistrala, irakaslean eta ezagutzen transmisioan oinarritzen den irakaskuntza da. Orokorrean, komunikazioa norabide bakarrekoa da, non irakaslea aktiboa eta ikaslea pasiboa den. Honen helburua, ikasleak ikasten ari direna menperatzera heltzea eta horretarako laguntza ematea ezinbestekoa da.

Globalizazio printzipioa, globalizazioa funtzio naturala da, ezagutzak globalki barneratzen dira (ez analitikoki) eta norberaren interesetatik abiatuta (eguneroko arazoak, gizartekoak, taldeko edo norbanakoaren interesak). Ikaste esanguratsua bultzatzen du eta hau Haur Hezkuntzan eta Lehen Hezkuntzan edukiak antolatzeko era egokiena da. Bestetik,Ikasgelako ordutegia ez da ikasgai, arlo edo esperientzia eremuen inguruan antolatzen, jarduera moten arabera baizik (lehen orduan, topagunea, korro, bilera edo asanblada landuko dena aukeratzeko eta antolatzeko; bigarrenean, talde lana edo lan pertsonala, interesgune edo proiektua lantzen joateko; ondoren, baterapena, egin denaren berri emateko.) 

• Decrolyren metodoa (interes guneetan oinarri), Freineten globalizazio naturala (umeen proiektuen eta tekniken erabilpena), Kilpatricken proiektuen metodoa, lan proiektuak.

Aktibotasun-printzipioa, Ikaslea izaki aktiboa den heinean era independentean ikasten eta lan egiten irakatsiko zaio, baita erabakiak autonomiaz hartzen ere. Umearen aktibitatea (mentala zein gorputzezkoa) umearen beharrizan eta interesetatik irtengo da, maiz praktikotasunari eta funtzionaltasunari lotuz (jolasa, manipulazioa, behaketa, esperimentazioa, etab.). Zenbat eta irakaskuntza zurrunagoa eta irakaslearen laguntza handiagoa, ikasleen aurkikuntza, eraikuntza eta autonomia txikiagoa izango da.

 • Agazzi ahizpak, Montessori, Decroly, Piaget, Bruner, Ausubel, Feuerstein, araketa, aurkikuntza, metodo konstruktibistak, ikasten ikastea, gelako ikerkuntza, lan teknikak, jolasa

Sormen-printzipioa, Gizabanako bakoitzak duen sormen-gaitasuna sustatu, etorkizunean eragozpenak eta gatazkak errazago konpontzeko.  Faktore afektiboak ere oso garrantzitsuak dira: jakin mina, irekitasuna, anbiguotasunarekiko tolerantzia, auto-konfiantza, konstantzia. 

Sormena sustatzeko jarraitu ahal diren bideak:

•  Sormena bakarka eta taldeka estimulatzea:
•  Gelako bizitzako arazoak edo besterik probestu ikasleek libreki pentsatzeko, ikertzeko eta konponbideak aurkitzeko 
•  Sortze prozesuetan epaiketarik ez, burua edo ikuspegia zabaldu 
•  Akatsak abiapuntutzat hartu

 • Sormena lantzeko metodo eta teknikak: elkarketa, ideien zurrunbiloa, ideiak eraldatzea, pentsatzeko kapelak, arazoak konpontzea, hala ere, guzti hauek malgutasunez egin behar dira,

Transferentzia-printzipioa, Aldez aurretik egindako ikasketa batek ikasketa berri batean edo arazoen ebazpenean duen efektua. Bizitzarako prestatzea, transferentzia positiboa errazten du.

Aurretiko ikasketak lagundu dezake (positiboa), zaildu (negatiboa) edo inolako efekturik ez ikasketa berrian edo arazoaren ebazpenean. 

• Metodoa, ikaslearen beharrizan, ikaste-betekizun eta irakasle trebetasun pertsonalen araberakoa da.

Hainbat pertsona aipatu egin dira metodologia printzipio desberdinetan irakasterako orduan erabili dituzten estrategia berritzaileengatik. Beraz, bi autoreen desberdinen informazioa eskegiko dizuet haiei buruz gehiago jakiteko eta baita ere haiek proposatutako ikaskuntza ezagutzeko.

MARIA MONTESSORI

Bibliografia:

•Erroman jaio zen.

•Natur Zientzietan eta Medikuntzan doktoratu zen lehen emakumea (Erromako Unibertsitatean).

•1906an hirurogeiren bat umeren ardura hartu zuen auzo marginal batean; horrela Casa dei Bambini sortu zuen.

•Faszismo garaian bere pedagogia debekatua izan zen; ondorioz, bere herrialdea utzi eta Bartzelonara joan zen (bigarren Errepublika garaian).

Pedagogia zientifikoaren metodoa:

•Umea bizitzarako prestatzea.

•Umeak esperientziaren eta ekintzaren bidez ikasten du,

•Zentzumenak lantzeko baliagarriak diren materialak eskaintzea.

•Zigorrak eta sariak umearen askatasunaren eta berezkotasunaren kontra doaz. Umearen autodisziplina lortzea bilatu behar da.

•Umearen nortasuna eta barruko erritmoa errespetatzea.

•Lehiakortasuna baztertzen da; umeek elkarri laguntzeko aukera ugari dute.

•Umearen nortasun osoa garatzen da, ez bakarrik gaitasun intelektualak.
•Helburua umeak askeak izateko prestatzea da: sentitzeko, pentsatzeko, aukeratzeko, erabakitzeko eta jokatzeko.
•Autonomia da askatasuna lortzeko bide bakarra.
•Askatasuna estimulu baliagarriak aukeratzearekin lotzen da; batzuetan borondatezko pasibitatea ere agertuko da, eta hori ere onartu beharko da.
•Ume bakoitzaren gaitasunetan sinistea bere hazkunderako
lehen urratsa da.
•Isiltasunaren ikasgaia: isilik egoteko eta konzentratzeko
minutu batzuk erabiltzen dira; ikasgela ilun geratzen da eta
lasaitasuna eta ordena nagusitzen dira.

Umeak zeregin kolektiboak (erratza pasatzea, gauzak
ordenatzea, landareak eta animaliak zaintzea) eta indibidualak
(astero bere burua neurtzea) egin behar ditu.
•Hezitzaileak garrantzi handia du: umea protagonista bada
ere, hezitzailea da hazkundea, autodisziplina eta erlazio
sozial osasungarriak ahalbidetzen dituena.
•Umea aukeraz beterik agertzen da, baina bere garapenerako
bidea erakusteko arduraduna hezitzailea da.

OVIDE DECROLY

Bibliografia

•Flandesen jaioa.

•Ganten Medikuntza ikasi zuen, psikiatrian espezializatu zen.

•Decroly Institutua sortu zuen, klase sozial ertainetako adimen atzerapenak zituzten umeentzat.

•Bruselaseko eskola berezien inspektorea izan zen.

•1907an L’École de l’Ermitage sortu zuen Bruselasen: Institutuan landutakoa ume arruntekin esperimentatu zuen.

•Eskola Berriaren mugimenduaren ordezkari nagusietako bat.

Bere pedagogiarako hurbilpena:

•Umeak gertuko errealitatearekiko interesa erakusten du (errealitatea ez da agertzen irakasgaika).

• Bizitzak presente egon behar du eskolan. “L’École de l’Ermitage es una escuela por la vida y para la vida”.

•Interesak gizakiaren oinarrizko beharrekin erlazionatzen dira (ikuspegi biologikoa).

Hezkidetza hezkuntzarako ezinbesteko bide bezala

Eskolaren oinarrizko zereginak:

•Ikaskuntzarako oinarri nagusiak : behaketa, elkarketa eta adierazpena.

•Behaketa ariketak: haurrak objektuekin, izakiekin, gertaerekin eta ekintzekin harreman zuzenean jartzeko helburua duten ariketak barneratzea.

•Elkarketa: material abstraktuagoak erabiltzen dira (oroimenak, irudiak, testuak…, ideia orokorretara iristeko asmoz).

•Adierazpena: norberaren pentsamendua beste gizakiekin konpartitzea baimentzen duten ariketak; adierazpen zehatzak ( marrazkia, eskulanak…) eta adierazpen abstraktuak (irakurketa, idazmena eta kalkulua).

Interesguneen programak:

•Interesguneak izeneko gune tematikoak proposatzen ditu.

•Interesarik gabe ezin da ikaskuntza lortu. Umeen sakoneko interesak beren beharretatik jaiotzen dira.

•Gizakiak bi ezagutza mota eduki behar ditu:

-   Bere burua ezagutzeari dagozkionak.

-  Ingurune naturalari eta sozialari dagozkionak; gizakiek horietan asetu behar dituzte beren beharrak, aukerak eta asmoak.

-  Gizakiaren oinarrizko beharrak hauek dira:

- Elikatze premia.

- Naturaren ustegabeen aurkako borrokaren beharra.

- Arriskuei eta etsaiei aurre egiteko beharra.

-Aurreko premiak asetzeko lan egiteko beharra.

Ingurune naturala edo soziala eraldatzeko lan egitea.

11 ASTEA

Aste hau laburregia izan zen,  aste santuko oporrak ospatu behar zirelako. Horregatik, aste osoan zehar bakarrik Didaktikako saio bakarra izan genuen; gainera, plangintza didaktikoaren lana aurrera eramateko denbora izan zen. Beraz, ez genuen inolako informazio berririk landu. Hala ere, egia da eta aipatu beharrekoa da, nire taldea eta ni pixka bat atzeratuta geundela eta ez genekiela lan hau aurrera bideratzeko era egokia aurkitzen.

Taldekide guztia lanean egingo genuen guztia hitz egin eta gero, Maitanerekin hitz egin nahi genuen, zalantza guztiak argitzeko eta Unitate didaktikoa modu egoki batean egiten jarraitzeko. Maitanek, laguntzeko nahian, orrialde batean adibideak begiratzeko esan zigun eta modu horretan, lanaren atalak argiago izango genituela esan zigun. Esandako horrialdea ISSUU izan zen, han adibide desberdin asko aurkitu genituen. Beraz, hemen uzten dizkizuet pare bat, zuek ere ulertu ahal izateko.

Udaberriaren unitate didaktikoa

Urtaroen unitate didaktikoa

Nik hauek biak utzi ditut adibide bezala, nire taldea egindako plangintza didaktikoa edota proiektuarekin zerikusia daukalako, hala ere, beste edozein gaiari buruz aurkitzeko aukera dago.

Bestetik, Didaktika zer den jakiteko prezi bat utziko dizuet, baina ez da Didaktikaren definizioa modu orokor batean, baizik eta pertsonen edota auroreen arabera, didaktika definitzeko modu asko daudela ikusteko da, bakoitza, arlo desberdinetan zentratu dezake horregatik adibideren bat utzi nahi dizuet. Bestetik, didaktika fase desberdinetan batu daiteke eta honi esker fase bakoitzaren laburpen txiki txiki bat ikusteko aukera dago. Zientzia giza didaktika dela azaltzen du eta baita Didaktikaren helburua edota xedea azaltzen du.

Espero dut baliagarria izatea, hemen uzten dizuet orria. DIDAKTIKA OROKORRA

Azkenik, aste honetako sarrerarekin amaitzeko, printzipio didaktikoak zeintzuk diren jakiteko, argazki bat ipiniko dizuet, printzipio bakoitza nortzuk defendatzen dituzten agertzen da eta baita, baten batean agertzen den moduan, printzipio bakoitza, ikuspuntu desberdinetik ikusi  daitekela adierazten du.

10. ASTEA

Pasa den astean edo bi aste barru plangintza didaktika egiteko egoeraren azterketa azaldu nuen, hori unitate didaktikoaren atal bat da, baina berez ez da esplizituki agertzen. Honekin esan nahi dudana hau da, egoeraren azterketa izugarri garrantzia dauka. Honen lehendabiziko garrantzia, ikastetxea, irakasleak, gelak, eta haurren familiak dira. 

Ikastetxe batera lan egitera joan aurretik, aldagai guzti hauek aztertzea beharrezkoa da, a zer nolako ikastetxe baten aurrean gauden jakiteko (adibidez: publiko, pribatu, guetoak baldin badaude, erabiltzen den hizkuntza kontrolatzeko...) baita, irakasle eta famililien arteko koordinazioa ezagutzeko eta horietara moldatu ahal izateko, edota gelako ezaugarriak eta kokalekua ikastetxean hasi baino lehen jakiteko..

Gure kasuan jarduerak aurrera eramateko hautatu dugun ikastetxea, Deustuko ikastola izan da, hona hemen uzten dizkizuet aldagai bakoitzeko aurkitu dugun informazioa. Espero dut baliagarria izatea, zuek horrelako gauzarenbat egin behar duzuenean, egiten jakin ahal izateko.

IKASTETXEA:

Ikastetxea publikoa da eta Haur Hezkuntza, Lehen Hezkuntza eta DBH etapak ditu. Gure kasuan 5 urteko haurrekin landuko da material hau.

Ikastetxeak mantentzen dituen printzipioen artean hurrengoak daude:

•  Ongizatea bermatzea.
• Ikasleen autonomia erraztea.
•  Jolasa, ikerketa  eta, oro har, jarduera esanguratsuak erraztea.
• Era askotako komunikazioa erabiltzea.
• Guztion parte hartzea erraztea.
•  Euskarari garrantzia ematea

Ikastetxearen azpiegiturari dagokionez, espazio eta baliabideen aldetik, gelez gain, haurtzaindegia dago, polikiroldegia, liburutegia baita  jantokia ere dago.

ordutegia:09:30 etatik 12:35etara eta 15:00etatik 17:00etara.

IRAKASLEAK

Zikloen eta etapen arteko koordinazioa oso ona da; hilero bilera bat antolatzen da, beraz proiektu hau bideratzeko hiru bilera egingo dira: hasierako elkarrizketa egongo da gaiaren aurkezpena egiteko. Honetan irakaslea guraso guztiekin bilduko da.  Beste elkarrizketa indibiduala, irakasle eta gurasoak bilduko direnean, haurraren jarraipena egiteko eta azkenik, beharrezkoa bada, beste elkarrizketa egongo da non haurrak azaltzen dituen zailtasunetaz edo bere premia bereziez  hitz egingo den.

Haur Hezkuntzan, familiekiko  komunikazio eta kolaborazio handia dago.

Hiriko gainerako eskolekin harremana dauka.

GELAK

Hiru etapetako talde guztiek ikastetxearen gela espezifikoak erabiltzen dituzte zenbait jarduera burutzeko, ad: musika gela, kiroldegia, plastika gela etab.

Batzuetan pasabideak eta jolastokia erabiltzen dira tailerrak egiteko. Hau da, landuko den gaiari buruzko informazioa edo argazkiak eskegi daitezke.

Urtean hiru txango inguru egiten dituzte lantzen ari diren gaiaren araberakoak; gure kasuan , eta landu nahi dugun gaiaren arabera, gertuko parkera abiatzen gara hosto edo lore ezberdinen bila.

HAURREN FAMILIAK

Familia nuklearrak dira nagusi eta duten kultura eta ekonomia maila ertain-baxua da.

Euskarari  garrantzi gehien ematen dioten hizkuntza da.

Familiak seme-alaben hezkuntzaz interesaturik egon arren, kalifikazioei eta jokabide normalizatuei ematen diete arreta batez ere.

Maisu-maistrekiko erlazio ona mantentzen dute sarrera eta irteeretan, eta baita guraso-irakasleen arteko elkarrizketei garrantzia ematen diote.
Gurasoen artean erlazio ona dago,gainera, guraso elkarte bat osatzen dute non hitzaldiak, jarduerak, jaiak etab antolatzen diren.

Gurasoak irakasleekin lan egiten dute eskolaz kanpoko jardueretan, txangoetan, gelako jardueretan, jaien prestakuntzan...

DENBORALIZAZIOA

3 asteko iraupena izatea erabaki dugu, gaia barneratzeko denbora nahikoa delako eta gehiago luzatzea haientzat aspergarri edo errepikakorra suerta daitekeela uste baitugu.

Horrez gain, aste honetan, betiko legez, unitate didaktikoaren atalak azaltzen jarraitu dugu, eta gaurko honetan edukiak dira landutako atala.

Arloko edo irakasgaiko helburuak lortzeko modu integratuan landu behar diren prozedurak, kontzeptuak eta jarrerak dira, Jarritako helburuak lortzeko bitartekoak dira, eta unitate didaktikotan, sekuentziatan, ikaskuntza‐nukleotan, proiektutan eta antzekoetan egituratuta egon behar dute.

Irakaskuntzako eduki motak hiru taldeetan sailkatzen dira
 • Esperientzia-eremuetakoak edo arloetakoak: Hizkuntza eta literatura komuikaziorako konpetentzia, matematikarako konpetentzia, zientziarako konpetentzia, teknologiarako konpetentzia, konpetentzia sozial eta zibikoa, arterako konpetentzia eta konpetentzia motorra
 • Jarrerazkoak, prozedurazkoak eta kontzeptualak:

kontzeptuzkoak: Ikasitako kontzeptuak sailkatzea identifikatzea analizatzea eta ulertzea

Prozedurazkoak: Ikusitako kontzeptuak eta informazioa erlazionatzea, aplikatzea, laburtzea eta antolatzea.

Jarrerazkoak:Umeek egindakoa eta haien esfortzua haiek ere baloratzea, haien artean ariketak egiterako orduan laguntzea:errespetua izatea eta ariketa eta jardueraz gozatzea.
• Oinarrizko, aukerako eta eduki askeak
Haurrek ikaskuntza esanguratsuaren ondorioz, hobeto barneratzen dituzten edukiak,
Oinarrizkoak: guztiok menperatu behar ditugun edukiak dira.
Aukerako edukiak, ikasle bakoitzak aukeratzen dituen edukiak.
Askeak, bakoitzak bere kabuz planteatzen dituen edukiak.

Edukiak aukeratzeko irizpideen artean,  umearen garapen psikologikoa, interesak, aurre ezagutzak eta trebetasunak, diziplina, arlo edo esperientzia-eremu bakoitzeko garrantzitsuenak, adierazgarrienak eta transferigarrienak direnak,gure inguru fisiko eta sozialak eskatzen dizkigunak. Gizarte- errealitatea aldatzeko sartu beharreko edukiak,Ikasturtean zehar era ziklikoan agertzen diren ekintzak kontuan hartu eta curriculum ofizialeko edukiak.

Edukien sekuentziazio aukeren artean bi daude, alde batetik, lineala, eduki bakoitza behin baino ez da lantzen, bata bestaren atzetik, hala ere, eduki bakoitzari emandako denbora eta garrantzia berdina izan daiteke edo ez. Betetik, konplexua, eduki edo gai bat hainbat eratan landu daiteke, aurreko eduki edo gai batera bueltatu, hainbat unetan, gero eta sakontasun gehiagoz, zenbait ikuspegitatik, eta ikuspegi horietatik lan egiteko beste eduki batzuk sartu.

Edukiekin hitz egiten jarraituz, esan beharra dago,  makrosekuentzietan eta mikrosekuentzietan antolatzen direla.
Makrosekuentziak: ikasturte baterako edo denbora luzerago egiten dira eta etapako irakasleen taldeak edo sailak egiten du.
Mikrosekuentzia: ikasturte baterako elkarren artean erlazionaturiko unitate didaktikoen multzoa da eta zikloko irakasle taldeek egiten du.

9. ASTEA

Didaktikako eskolan, pasaden astetik plangintza didaktiko bat egiten hasi gara, orain harte justifikazioa eta egoeraren azterketa baino ez dugu egin, baina gaurko honetan asmoak aurkeztea tokatzen zait, gero Unitate didaktikoan sartzeko.

Nire taldea "Giltza bat, mundu bat" da, eta talde horren barruan Rebeca, Mireia, Ianire, Judith eta ni Paula lan egiten dugu. Plangintza didaktikarako aukeratu dugun gaia landareak izan dira, uste dugulako gai honek jarduera mota desberdin asko egiteko aukera ematen digula, hau da, hosto eta lore desberdinak bereizten ikasteko, lore posoitzuak ezagutzeko, loreen eta erleen arteko harremana eta hauen funtzioa ezagutzeko, klima moteren arabera zein landare mota hazi egiten diren ezagutzeko eta batez ere, esperimentazioa garatu eta lantzeko aukera bikaina dela uste dugu. Gainera, jarduera hauek guztiak kanpoan egiteko aukera paregabea dela dakigunez, gai hau aukeratzeko pisuzko arrazoiketako bat izan da.

Hasieran esan dudan bezala, aste honetako lana asmoak izan dira, hauek ze pertsona mota eraiki nahi dugun edota  pertsona batengan zein gaitasun ezinbestekoak diren jakitea  baita irakasteko modua zein izango den jakitea da, hala ere beste hainbat aurki daitezke.

Asmo mota desberdinak daude: Irakaste- ikaste prozesuaren asmoak, orokortasuna eta globaltasuna kontuan hartutako asmoak, derrigortasuna kontuan hartuta, eta esperientzia eremuaren arabera.

1. Irakaste-ikaste prozesuaren asmoei dagokionez, 

Helburua: umeengan lortu edo garatu nahi dugun gaitasun edo jokabidea 

Konpetentzia: hainbat eratako ikasketa integratzen dituen gaitasuna, egoera zehatzetan jokoan jartzen dena. 

Adierazpen-helburua: umeak lan egin behar duen egoera, aurre egin behar dion arazoa edo inplikatu beharreko betebeharra.

 Prozedura-printzipioa: irakaste-ikaste prozesua garatzean bete behar den baldintza edo irizpidea zehazten duena.

2. Orokortasuna eta globaltasuna kontuan harturik:

Hezkuntzaren xedeak: Garatu nahi dugun pertsona (edo ume) mota definitzen du. 

Helburu orokorrak: Pertsonengan garatu nahi ditugun gaitasunak.

Helburu espezifikoak: Umeengan lortu nahi ditugun gaitasun oso zehatzak.

3. Derrigortasuna kontuan harturik:

Oinarizko helburuak: Ume guztiek lortu behar dituzten helburuak. (Ziklo batetik bestera pasatzeko nahitaez lortu beharrekoak)

Aukerako helburuak: Helburu hauek ez dira nahitaez lortu beharrekoak. (Guztien artean ume bakoitza batzuk aukeratzen ditu).

Helburu askeak: Ume bakoitzak bere kabuz planteatzen dituen helburuak.

4. Esperientzia-eremuaren arabera:

• Norberaren ezaguera eta autonomia ata autonomia pertsonalekoak.
• Ingurunearen ezaguerakoak.
• Hizkuntzak: komunikazioa eta adierazpenekoak.

Plangintza didaktikoarekin batera, proiektuen garrantziei buruz hitz egingo dizuet. Hauen nagusitasuna ez da bakarrik Lehen Hezkuntzan egiten baizik eta Haur hezkuntzan izugarrizko proiektu desberdinak ere egiten dira, eta baita DBHko mailetan. Hala ere logikoa den bezala, umeei eskatzen zaiena oso desberdina izango da. Hasierako kurtsoetan, Haur hezkuntzaren kasu, oso gai sinpleak hautatuko dituzte (Piratak, Negua, Elikadura, Animaliak...) eta landuko dituzten jarduerak errazenak izango dira. Urteak aurrera joan ahala ordea, pixkanaka pixkanaka zailagoa egiten hasiko da.

Haur Hezkuntzan Proiektuekin lan egitea, duela urte batzuk entzuten den zerbait da, eta aukera asko eskaintzen laguntzen du, bai ikasleei eta baita irakasleei ere. Proiektuak erabiltzeak, hezkuntza tradizionletik haratago bideratzen du hezkuntza, hau da, irakaslea lehen zeukan nagusitasuna galtzen du eta ikasleak protagonistak izatera pasatzen dira. Gainera, ikasleak ikertzen, esperimentatzen ikasiko dute, baita umeak duten kreatibitatea ateratzen lagunduko die, eta ikasteko modu motibagarri bat da. Hala ere, haiek dituzten interes eta beharretara egokituta egon behar dira. 

Horrela lan egitea, harreman sozialei mesede egiten diote eta haiekin, elkarrekintzarako arau sozialak ulertzen eta barneratzen lagunduko die, baita, kooperazioa eta errespetua bezalako baloreak izaten. Modu honetan, talde txikietan lan egiteko, lana eta ideiak antolatzeko baita erantzukizunak banatzeko gai izango dira.

Horrez gain, pentsamendu kritikoa garatuko dute, eta bere ideiak beste taldekideekin partekatzeko aukera izango dute. Hori esker, besteen ideiak errespetatzen ikasiko dute eta baita ere nahiz eta bakoitza idei bat izan, proiektuetarako guztiak baliagarriak izango direla ikasiko dute. Orain arte esandako gauza guztiekin batera, pertsona autonomoak izatera bultzatuko ditu.

"Proiektu bat bere osotasunean funtzionatzeko, momentu zehatz batean eta baldintza zehatz batean sortu behar da". Ikasle baten galdera, eskolan gertatutako zerbait, haien ingurunean gertatutako zebait (haien auzoan esate baterako), izan behar duen baldintza bakarra, haien arreta deitzea da, eta gai horri buruz nolabaiteko galderaren bat sortzea. Beti haien interesa esnatuko dien gai bat izan behar da, hau horrela ez bada, ez da proiektu bideragarri bat izango.

Hemen azpian bideo bat uzten dizuet, non proiektu bat zer den azaltzen den, batez ere, asko irakurtzea gustatzen ez zaien guztientzat bideratuta dago, modu interesgarri eta dinamiko batean aurkeztuta baitago. Bigarrena ordea, La Salle Berrozpen (Haur Hezkuntzan) egindako proiektuen bideo bat da.

 Espero dut zuen gustokoa izatea eta hurrengo astera arte!!